{"id":1091,"date":"2016-03-30T13:17:58","date_gmt":"2016-03-30T11:17:58","guid":{"rendered":"http:\/\/www.respublica.org.al\/?p=1091"},"modified":"2016-03-30T13:36:14","modified_gmt":"2016-03-30T11:36:14","slug":"res-publica-fiton-nje-tjeter-gjyq-per-te-drejten-e-informimit-tashme-eshte-gjykata-administrative-e-apelit-qe-permireson-standardet","status":"publish","type":"post","link":"https:\/\/www.respublica.org.al\/web\/?p=1091","title":{"rendered":"Res Publica fiton nj\u00eb tjet\u00ebr gjyq p\u00ebr t\u00eb drejt\u00ebn e informimit. Tashm\u00eb \u00ebsht\u00eb Gjykata Administrative e Apelit q\u00eb p\u00ebrmir\u00ebson standardet"},"content":{"rendered":"

\"confidential\"<\/a>Pas nj\u00eb lufte t\u00eb gjat\u00eb me Ministrin\u00eb e Mbrojtjes dhe fitores s\u00eb saj t\u00eb p\u00ebrkohshme n\u00eb Gjykat\u00ebn Administrative t\u00eb Shkall\u00ebs s\u00eb Par\u00eb Tiran\u00eb, tashm\u00eb Gjykata Administrative e Apelit i ka dh\u00ebn\u00eb t\u00eb drejt\u00eb qendr\u00ebs Res Publica. Gjykata dhe ka \u00a0prishur vendimin e shkall\u00ebs s\u00eb par\u00eb duke pranuar padin\u00eb dhe detyruar Ministrin\u00eb e Mbrojtjes q\u00eb t\u00eb jap\u00eb dokumentat e k\u00ebrkuara nga Res Publica.<\/p>\n

M\u00eb 17 Tetor 2013, Res Publica i k\u00ebrkoi Ministris\u00eb s\u00eb Mbrojtjes informacion n\u00eb lidhje me shum\u00ebn e shpenzuar nga institucioni p\u00ebr reklamat p\u00ebr vitet 2009, 2010, 2011, 2012 dhe 2013, si dhe list\u00ebn e shoq\u00ebrive tregtare q\u00eb jan\u00eb paguar p\u00ebr spotet audiovizive, p\u00ebrfshir\u00eb produksionin dhe transmetimin ose publikimin.<\/p>\n

Ministria e Mbrojtjes heshti ndaj k\u00ebsaj k\u00ebrkese, si dhe ndaj ankimit administrativ t\u00eb paraqitur n\u00eb N\u00ebntor 2013. P\u00ebr k\u00ebt\u00eb arsye Res Publica iu drejtua gjykat\u00ebs.<\/p>\n

Gjat\u00eb shqyrtimit gjyq\u00ebsor Ministria e Mbrojtjes refuzoi dh\u00ebnien e informacionit me argumentimin se ai p\u00ebrb\u00ebnte \u201csekret hetimor\u201d, pasi dosja e reklamave t\u00eb vitit 2013 ishte duke u hetuar nga prokuroria. Ky argument nuk vlente, por Gjykata Administrative e Shkall\u00ebs s\u00eb Par\u00eb m\u00eb 16 Prill 2014 i dha t\u00eb drejt\u00eb Ministris\u00eb s\u00eb Mbrojtjes dhe rr\u00ebzoi padin\u00eb.<\/p>\n

Res Publica, e bindur q\u00eb ky vendim ishte i gabuar, u ankua n\u00eb Gjykat\u00ebn Administrative t\u00eb Apelit, e cila vendosi prishjen e vendimit dhe pranimin e padis\u00eb<\/a><\/strong> duke detyruar Ministrin\u00eb e Mbrojtjes t\u00eb jap\u00eb informacionin t\u00eb k\u00ebrkuar.<\/p>\n

Pavar\u00ebsisht koh\u00ebzgjatjes s\u00eb k\u00ebtij procesi gjyq\u00ebsor, tashm\u00eb nj\u00eb gjykat\u00eb e nj\u00eb niveli m\u00eb t\u00eb lart\u00eb konfirmoi se e drejta e informimit \u00ebsht\u00eb nj\u00eb e drejt\u00eb kushtetuese dhe dh\u00ebnia e informacionit p\u00ebrb\u00ebn detyrim ligjor. Ky vendim \u00ebsht\u00eb nj\u00eb leksion i mir\u00eb demokracie p\u00ebr Ministrin\u00eb e Mbrojtjes dhe nj\u00eb leksion shteti ligjor p\u00ebr gjykat\u00ebn e shkall\u00ebs s\u00eb par\u00eb p\u00ebr k\u00ebrkesa t\u00eb ngjashme n\u00eb t\u00eb ardhmen.