{"id":473,"date":"2013-02-27T11:30:14","date_gmt":"2013-02-27T09:30:14","guid":{"rendered":"http:\/\/www.respublica.org.al\/?p=473"},"modified":"2013-09-30T11:33:14","modified_gmt":"2013-09-30T09:33:14","slug":"nje-trilogji-e-vogel-impotence","status":"publish","type":"post","link":"https:\/\/www.respublica.org.al\/web\/?p=473","title":{"rendered":"Nj\u00eb trilogji e vog\u00ebl impotence"},"content":{"rendered":"

1.\u00a0\u00a0\u00a0\u00a0\u00a0\u00a0\u00a0<\/em><\/strong>21 janar pa viktima<\/em><\/strong><\/p>\n

Kjo e enjte solli n\u00eb v\u00ebmendje mediatike 21 janarin e vrasjeve t\u00eb bulevardit. M\u00eb n\u00eb fund dosja e qepur kund\u00ebr gardist\u00ebve ra n\u00eb duart e togave t\u00eb zeza. Prej koh\u00ebsh dosja kishte arritur t\u2019i mbahej sekret me sukses edhe familjar\u00ebve t\u00eb viktimave, t\u00eb cil\u00ebt kishin besuar se do u jepej informacion. Prokuroria nuk denjoi t\u2019i njoftonte ata as p\u00ebr dor\u00ebzimin e dosjes n\u00eb gjykat\u00eb dhe p\u00ebr dat\u00ebn e or\u00ebn e caktuar. Fundja ata q\u00eb k\u00ebrkonin informacion ishin t\u00eb pafuqish\u00ebm. Kishin n\u00eb dor\u00eb vet\u00ebm nj\u00eb ligj i cili p\u00ebr nga zbatueshm\u00ebria konkurron me at\u00eb t\u00eb ndalimit t\u00eb tymosjes n\u00eb ambjente publike. Ja, le t\u00eb themi q\u00eb kishin n\u00eb dor\u00eb edhe ca nene t\u00eb Kodit t\u00eb Procedur\u00ebs Penale. Por p\u00ebrs\u00ebri nuk mor\u00ebn vesh asgj\u00eb. Duke mos e pasur iden\u00eb, ata nuk pat\u00ebn dot as mund\u00ebsin\u00eb t\u00eb vinin e t\u00eb paraqisnin me dinjitet padin\u00eb civile n\u00eb procesin penal. Madje avokat\u00ebve t\u00eb tyre iu sul gjysma e efektivit policor t\u00eb gjykat\u00ebs p\u00ebr t\u2019i nxjerr\u00eb p\u00ebrjashta me pretendimin se nuk kishte karrige n\u00eb sall\u00eb\u2026 Shkurt, pak prokuroria dhe pak policia, kontribuan q\u00eb 21 janari t\u00eb krasitej nga viktimat. K\u00ebshtu gjykata do t\u00eb ket\u00eb mund\u00ebsi t\u00eb zhvilloj\u00eb nj\u00eb proces gjyq\u00ebsor t\u00eb rehatsh\u00ebm e pa viktimat dhe avokat\u00ebt e bezdissh\u00ebm q\u00eb p\u00ebrmendin nene prej muzeu.<\/p>\n

 <\/p>\n

2.\u00a0\u00a0\u00a0\u00a0\u00a0\u00a0\u00a0<\/em><\/strong>21 janar me finok\u00eb<\/em><\/strong><\/p>\n

Nenet prej muzeu duken v\u00ebrtet si t\u00eb pluhurosur nga mosp\u00ebrdorimi, por k\u00ebsaj rradhe arrit\u00ebn t\u00eb sjellin dhe Prokurorin\u00eb para Gjykat\u00ebs, tashm\u00eb si nj\u00eb pal\u00eb e paditur. Q\u00eb prej marsit t\u00eb vitit t\u00eb kaluar e deri t\u00eb enjten e fundit familjar\u00ebt e viktimave t\u00eb 21 janarit nuk kan\u00eb reshtur me k\u00ebrkesat e tyre p\u00ebr t\u2019u informuar. N\u00eb fillim dosja ishte t\u00ebr\u00ebsisht sekret. Por m\u00eb von\u00eb pasi iu komunikua akuza t\u00eb pandehurit t\u00eb par\u00eb A. Llupo, dosja nuk mund t\u00eb ishte e t\u00ebra sekret, por vet\u00ebm pjes\u00eb t\u00eb vecanta t\u00eb saj. T\u00eb pakt\u00ebn k\u00ebshtu thot\u00eb nj\u00eb prej atyre neneve t\u00eb pluhurosur. Megjithat\u00eb Prokuroria gjeti nj\u00eb zgjidhje m\u00eb gjeniale, at\u00eb t\u00eb mosardhjes fare n\u00eb gjyq. P\u00ebr afro 10 seanca, Prokuroria nuk erdhi as t\u00eb shihte fytyrat e familjar\u00ebve t\u00eb viktimave t\u00eb 21 janarit. Strategjia ishte precize: T\u00eb shtyhej ky minigjyq deri sa t\u00eb mbaronin hetimet dhe t\u00eb dor\u00ebzohej dosja n\u00eb gjykat\u00eb dhe pastaj t\u00eb thonin q\u00eb nuk e p\u00ebrmbushnin dot m\u00eb k\u00ebrkes\u00ebn. Taktik\u00eb prej finoku. T\u00eb zgjuar por edhe impotent\u00eb p\u00ebr t\u2019i dal\u00eb zot detyrimeve ligjore.<\/p>\n

 <\/p>\n

3.\u00a0\u00a0\u00a0\u00a0\u00a0\u00a0\u00a0<\/em><\/strong>21 janar me borxhlinj<\/em><\/strong><\/p>\n

Organet e procedimit nuk jan\u00eb gjithmon\u00eb kaq t\u00eb ngath\u00ebt. Ka raste kur t\u00eb shkulin dh\u00ebmb\u00ebt. K\u00ebt\u00eb kalib\u00ebr prej dentisti tregoi edhe Gjykata civile k\u00ebt\u00eb jav\u00eb kund\u00ebr nj\u00eb prej familjar\u00ebve t\u00eb viktimave t\u00eb 21 janarit, Zabit Deda, v\u00ebllai i t\u00eb ndjerit Hekuran Deda. Ky u padit nga shtetasi F.S. p\u00ebr shpifje, duke i k\u00ebrkuar 5 milion\u00eb lek\u00eb d\u00ebmshp\u00ebrblim p\u00ebr nj\u00eb deklarat\u00eb se ai burri tjet\u00ebr me iniciale F.S. kishte tentuar t\u00eb b\u00ebnte nj\u00eb marr\u00ebveshje q\u00eb n\u00eb familjen e t\u00eb ndjerit Hekuran Deda t\u00eb pritej Kryeministri p\u00ebr vizit\u00eb dhe kjo t\u00eb b\u00ebhej n\u00eb shk\u00ebmbim t\u00eb ca parave. Gjykata e nisi dhe e bitisi menj\u00ebher\u00eb k\u00ebt\u00eb proces dhe konkludoi se Zabit Deda ka shpifur. Tashm\u00eb nj\u00eb prej familjar\u00ebve t\u00eb viktimave t\u00eb 21 janarit \u00ebsht\u00eb edhe borxhli tek nj\u00eb prej gardist\u00ebve. Drejt\u00ebsis\u00eb i funksionuan levat. Por p\u00ebrs\u00ebri edhe k\u00ebtu ka dicka q\u00eb nuk shkon. Borxhliu m\u00eb i ri n\u00eb qytet doli p\u00ebrmes nj\u00eb procesi ku nuk u zhvillua nj\u00eb hetim i plot\u00eb. N\u00eb dosje nuk rezulton t\u00eb jet\u00eb marr\u00eb n\u00eb analiz\u00eb ndonj\u00eb element i r\u00ebnd\u00ebsish\u00ebm. P\u00ebr shembull, do t\u00eb mjaftonin ndoshta disa tabulate telefoni. Teknologjia e sotme mund\u00ebson p\u00ebrcaktimin e pozicionit t\u00eb p\u00ebraf\u00ebrt t\u00eb cdo telefonuesi. Kjo lloj teknike do t\u2019i jepte p\u00ebrgjigje pyetjes kurioze n\u00ebse shtetasi F.S. kishte kaluar apo jo n\u00eb af\u00ebrsi t\u00eb sht\u00ebpis\u00eb s\u00eb Zabit Ded\u00ebs, etj. M\u00ebnyra ka plot, por dosja e gjykat\u00ebs \u00ebsht\u00eb bosh, duke sh\u00ebnuar nj\u00eb hetim gjyq\u00ebsor impotent.<\/p>\n

 <\/p>\n

P\u00ebrmbledhtazi dikush m\u00eb tha: E c\u2019pret, pun\u00eb shteti po b\u00ebjn\u00eb\u2026<\/p>\n