{"id":566,"date":"2012-04-02T16:43:20","date_gmt":"2012-04-02T14:43:20","guid":{"rendered":"http:\/\/www.respublica.org.al\/?p=566"},"modified":"2013-10-02T16:45:13","modified_gmt":"2013-10-02T14:45:13","slug":"nje-president-jo-nje-hero","status":"publish","type":"post","link":"https:\/\/www.respublica.org.al\/web\/?p=566","title":{"rendered":"Nj\u00eb President, jo nj\u00eb hero"},"content":{"rendered":"
Home<\/a><\/header>\n
\n

Zgjedhja e Presidentit n\u00eb muajt e ardhsh\u00ebm vijon t\u00eb jet\u00eb tema m\u00eb e artikuluar nd\u00ebr media, politikan\u00eb, analist\u00eb, e t\u00eb tjer\u00eb t\u00eb llojit apo jasht\u00eb llojit. Si do t\u00eb zgjidhet, kush do t\u00eb jet\u00eb kandidati, kush \u00ebsht\u00eb mir\u00eb t\u00eb jet\u00eb kandidati. N\u00eb fakt nj\u00eb minimum rregullash procedurale e kriteresh kushtetuese p\u00ebr zgjedhjen e Presidentit t\u00eb Republik\u00ebs i disponojm\u00eb akoma. Me gjith\u00eb amendamentet serioze q\u00eb p\u00ebsoi formula e zgjedhjes s\u00eb tij (dhe jo vet\u00ebm) n\u00eb 2008, ajo ende parashikon tre raunde votimesh me tri t\u00eb pestat e votave t\u00eb t\u00eb gjith\u00eb an\u00ebtar\u00ebve t\u00eb Kuvendit, me votim t\u00eb fsheht\u00eb e pa debat, p\u00ebr t\u00eb pasur nj\u00eb Kryetar t\u00eb Shtetit, nj\u00eb p\u00ebrfaq\u00ebsues t\u00eb unitetit t\u00eb popullit, nj\u00eb pushtet t\u00eb pavarur n\u00eb garanci t\u00eb t\u00eb tjera institucioneve t\u00eb pavarura, e kryesisht t\u00eb nj\u00eb gjyq\u00ebsori t\u00eb pavarur. Formula vazhdon t\u00eb k\u00ebrkoj\u00eb nj\u00eb konsensus t\u00eb gjer\u00eb n\u00eb gjirin e p\u00ebrfaq\u00ebsuesve t\u00eb drejt\u00ebp\u00ebrdrejt\u00eb t\u00eb popullit. Formula kushtetuese vazhdon t\u00eb mos flas\u00eb p\u00ebr pozit\u00eb e opozit\u00eb, por p\u00ebr shumic\u00eb t\u00eb till\u00eb votash q\u00eb t\u00eb garantojn\u00eb nj\u00eb konsensus sa m\u00eb t\u00eb gjer\u00eb e p\u00ebrfaq\u00ebsues, p\u00ebr t\u00eb mos th\u00ebn\u00eb gjith\u00ebp\u00ebrfaq\u00ebsues. Edhe pse Presidentit t\u00eb sapoem\u00ebruar, dhe p\u00ebrgjat\u00eb gjith\u00eb jet\u00ebs s\u00eb tij institucionale, do t\u2019i duhet t\u00eb jet\u00eb gjith\u00ebp\u00ebrfaq\u00ebsues, p\u00ebr t\u00eb funksionuar p\u00ebrtej votave t\u00eb munguara n\u00eb procesin e zgjedhjes.<\/p>\n

Presidenti, si \u00e7do pushtet e institucion tjet\u00ebr kushtetues, vijon t\u00eb jet\u00eb i konceptuar n\u00eb drit\u00ebn e nj\u00eb s\u00ebr\u00eb parimesh themelore kushtetuese, si parlamentarizmi (neni 1\/1 Kusht.), zgjedhjet e lira (neni 1\/3 Kusht.), dinjiteti i njeriut dhe t\u00eb drejtat e lirit\u00eb e tij (neni 3 Kusht.), rendi kushtetues (neni 3 Kusht.), pluralizmi (neni 3 Kusht.), shteti i s\u00eb drejt\u00ebs (neni 4\/1 Kusht.), ndarja dhe balancimi i pushteteve (neni 7 Kusht.), e t\u00eb tjera parime, me n\u00eb epiqend\u00ebr t\u00eb sistemit njeriun me t\u00eb drejtat dhe lirit\u00eb e tij.<\/p>\n

Situata pra \u00ebsht\u00eb disi m\u00eb e komplikuar se sa nj\u00eb procedur\u00eb kushtetuese, kritere q\u00eb duhet t\u00eb p\u00ebrmbush\u00eb, apo protagonist\u00eb shpesh t\u00eb vet\u00ebshpallur t\u00eb p\u00ebrzgjedhjes. K\u00ebta t\u00eb fundit, teksa deklarohen p\u00ebr ekskluzivitetin (kandidati i PD-s\u00eb, thot\u00eb Berisha), ose jo (kandidati me konsensusin e opozit\u00ebs, thot\u00eb Rama) t\u00eb zgjedhjes, deformojn\u00eb sakaq parimet e sip\u00ebrp\u00ebrmendura, n\u00eb kuptimin e p\u00ebrjashtimit t\u00eb t\u00eb tjera forcave politike nga procesi (q\u00eb p\u00ebrndryshe do t\u00eb k\u00ebrkonte parimi i pluralizmit, e jo bipartitizmi i improvizuar); t\u00eb ndarjes s\u00eb supozuar t\u00eb pushteteve (t\u00eb qenit i pavarur dhe mbi pal\u00ebt politike); apo t\u00eb t\u00eb qenit p\u00ebrfaq\u00ebsuesi i unitetit t\u00eb popullit. T\u00eb pakt\u00ebn n\u00eb letra. T\u00eb pakt\u00ebn n\u00eb logjik\u00ebn kushtetuese parlamentare. T\u00eb pakt\u00ebn n\u00eb logjik\u00ebn e shtetit ligjor.<\/p>\n

Aspektativa p\u00ebr Presidentin, duket se \u00ebsht\u00eb nga m\u00eb t\u00eb lartat. Kushtetuta k\u00ebrkon nj\u00eb Kryetar Shteti n\u00eb nj\u00eb republik\u00eb parlamentare. Pozita k\u00ebrkon njeriun e saj, opozita garantuesin e saj, njer\u00ebzit presin nj\u00eb President. T\u00eb gjith\u00eb jan\u00eb n\u00eb pritje.<\/p>\n

Nd\u00ebrkoh\u00eb q\u00eb eksperienca e deritanishme shqiptare post-kushtetuese, num\u00ebron president\u00eb q\u00eb ia kan\u00eb dal\u00eb t\u00eb jen\u00eb n\u00eb lart\u00ebsin\u00eb e rolit t\u00eb besuar, duke p\u00ebrftuar her\u00ebt a von\u00eb nj\u00eb statur\u00eb institucionale t\u00eb pavarur e mbi pal\u00ebt. Po aq sa num\u00ebron ekzekutiv\u00eb tentakulor\u00eb, legjislativ\u00eb gjithnj\u00eb e m\u00eb larg stadardeve t\u00eb shtetit t\u00eb s\u00eb drejt\u00ebs, gjyq\u00ebsor\u00eb e prokurori v\u00ebshtir\u00ebsisht t\u00eb kualifikuesh\u00ebm si t\u00eb pavarur e efektiv\u00eb, apo shtetas t\u00eb vet\u00ebdijsh\u00ebm p\u00ebr t\u00eb drejtat e tyre, aq sa t\u2019i pretendojn\u00eb e manifestojn\u00eb t\u00eb sigurt\u00eb se nuk po luajn\u00eb me jet\u00ebn e tyre.<\/p>\n

Jemi n\u00eb pritje t\u00eb Presidentit, por v\u00ebshtir\u00eb se do t\u00eb na vij\u00eb nj\u00eb hero. N\u00eb m\u00eb t\u00eb mir\u00ebn e pritshm\u00ebrive do t\u00eb kemi nj\u00eb tjet\u00ebr shembull presidence, ndoshta t\u00eb denj\u00eb, por me siguri ende t\u00eb vetmuar, n\u00eb nj\u00eb sistem ende t\u00eb pap\u00ebrftuar demokratik.<\/p>\n<\/div>\n