{"id":839,"date":"2015-03-27T20:30:42","date_gmt":"2015-03-27T19:30:42","guid":{"rendered":"http:\/\/www.respublica.org.al\/?p=839"},"modified":"2015-03-27T20:30:42","modified_gmt":"2015-03-27T19:30:42","slug":"deklarate-per-shtyp-shoqata-e-familjareve-te-viktimave-te-gerdecit","status":"publish","type":"post","link":"https:\/\/www.respublica.org.al\/web\/?p=839","title":{"rendered":"Deklarate per shtyp – Shoqata e Familjareve te Viktimave te Gerdecit"},"content":{"rendered":"

\"feruzan-durdaj-kryetar-i-shoqates-se-familjareve-te-viktimave-te-gerdecit\"<\/a>Shoqata e Familjar\u00ebve t\u00eb Viktimave t\u00eb G\u00ebrdecit dhe Qendra Res Publica d\u00ebshiron t\u00eb njoftoj\u00eb opinionin publik se padia civile e nj\u00eb prej familjeve t\u00eb viktimave t\u00eb shp\u00ebrthimit t\u00eb G\u00ebrdecit, kund\u00ebr Ministris\u00eb s\u00eb Mbrojtjes, \u00ebsht\u00eb pranuar nga Gjykata Administrative, duke detyruar autoritetet t\u00eb paguajn\u00eb shp\u00ebrblimin e d\u00ebmit.<\/p>\n

Pas k\u00ebsaj padie t\u00eb par\u00eb, n\u00eb gjykim jan\u00eb edhe padit\u00eb e 17 familjeve t\u00eb tjera, t\u00eb cilat jan\u00eb mb\u00ebshtetur n\u00eb t\u00eb nj\u00ebjt\u00ebt argumenta dhe pritet t\u00eb ken\u00eb t\u00eb nj\u00ebjt\u00ebn p\u00ebrgjigje pozitive nga gjykata.<\/p>\n

Vendimi gjyq\u00ebsor q\u00eb pranon padin\u00eb e Feruzan Durdaj dhe Zamira Durdaj \u00ebsht\u00eb tregues se ata kan\u00eb t\u00eb drejt\u00eb, megjith\u00eb faktin q\u00eb Ministria e Mbrojtjes pretendoi se nuk mbante asnj\u00eb p\u00ebrgjegj\u00ebsi p\u00ebr d\u00ebmin e shkaktuar, duke dh\u00ebn\u00eb mesazhin se ish Ministri i Mbrojtjes nuk ka shkelur asnj\u00eb ligj dhe se ka vepruar n\u00eb m\u00ebnyr\u00eb korrekte.<\/p>\n

E vetmja m\u00ebnyr\u00eb q\u00eb Ministria e Mbrojtjes dhe qeveria mund t\u00eb mbrojn\u00eb pun\u00ebn e ish zyrtar\u00ebve t\u00eb saj, tashm\u00eb mbetet t\u00eb jet\u00eb bllokimi i padive p\u00ebr shkak t\u00eb tarifave gjyq\u00ebsore, t\u00eb mbajtura padrejt\u00ebsisht n\u00eb nivele t\u00eb larta, t\u00eb cilat jan\u00eb n\u00eb diskrecionin e Ministrit t\u00eb Drejt\u00ebsis\u00eb dhe Ministrit t\u00eb Financave.<\/p>\n

Feruzan Durdaj dhe Zamira Durdaj me shum\u00eb mundime arrit\u00ebn t\u00eb merrnin borxh dhe t\u00eb siguronin 500.000 lek\u00eb (t\u00eb reja), p\u00ebr t\u00eb paguar tarif\u00ebn p\u00ebr t\u00eb nisur k\u00ebt\u00eb proces gjyq\u00ebsor dhe ia arrit\u00ebn t\u00eb ken\u00eb sot nj\u00eb vendim n\u00eb dor\u00eb, i cili njeh p\u00ebrgjegj\u00ebsin\u00eb e shtetit, megjith\u00eb p\u00ebrpjekjet e Ministris\u00eb s\u00eb Mbrojtjes p\u00ebr t\u2019u shmangur nga kjo p\u00ebrgjegj\u00ebsi.<\/p>\n

N\u00eb vazhdim, 17 familjet e tjera jan\u00eb n\u00eb nj\u00eb gjendje ekonomike t\u00eb mjerueshme, dhe plot\u00ebsisht n\u00eb pamund\u00ebsi p\u00ebr t\u00eb siguruar, qoft\u00eb edhe duke marr\u00eb borxh, miliona lek\u00eb, t\u00eb cilat Ministri i Drejt\u00ebsis\u00eb dhe ai i Financave u kan\u00eb v\u00ebn\u00eb si kusht paraprak. Madje nj\u00eb prej familjeve \u00ebsht\u00eb detyruar nga k\u00ebta dy ministra q\u00eb t\u00eb paguaj\u00eb paraprakisht n\u00eb gjykat\u00eb shum\u00ebn prej 15 milion lek\u00ebsh, ose p\u00ebrndryshe gjykata ka t\u00eb drejt\u00eb t\u00eb mos e shqyrtoj\u00eb fare \u00e7\u00ebshtjen. N\u00ebse ata nuk i paguajn\u00eb k\u00ebto shuma brenda jav\u00ebve n\u00eb vazhdim, at\u00ebher\u00eb proceset gjyq\u00ebsore do t\u00eb mbyllen p\u00ebr t\u00eb mos u rihapur m\u00eb kurr\u00eb, duke b\u00ebr\u00eb q\u00eb shteti t\u00eb fitoj\u00eb n\u00eb m\u00ebnyr\u00eb t\u00eb padrejt\u00eb, p\u00ebrmes kurtheve t\u00eb ngritura nga vet\u00eb zyrat e tij.<\/p>\n

Shprehim shqet\u00ebsimin se kjo taktik\u00eb e pandershme e bllokimit t\u00eb drejt\u00ebsis\u00eb po b\u00ebhet shkak p\u00ebr rr\u00ebzimin potencial t\u00eb padive t\u00eb t\u00eb gjith\u00eb familjar\u00ebve t\u00eb viktimave t\u00eb G\u00ebrdecit, aq m\u00eb shum\u00eb kur duket qart\u00eb q\u00eb k\u00ebto padi jan\u00eb t\u00eb drejta dhe t\u00eb bazuara n\u00eb ligj.<\/p>\n

P\u00ebr m\u00eb shum\u00eb se nj\u00eb vit familjar\u00ebt e viktimave t\u00eb G\u00ebrdecit jan\u00eb p\u00ebrpjekur n\u00eb rrug\u00eb shkresore t\u00eb k\u00ebrkojn\u00eb nj\u00eb zgjidhje p\u00ebr k\u00ebt\u00eb c\u00ebshtje, ose edhe p\u00ebr t\u00eb arritur nj\u00eb zgjidhje me pajtim. Ngritja zyrtarisht e nj\u00eb grupi pune nga ana e Kryeministrit, si n\u00eb rastin e k\u00ebrkes\u00ebs s\u00eb familjar\u00ebve t\u00eb 21 janarit, nuk u praktikua edhe n\u00eb rastin e k\u00ebrkes\u00ebs s\u00eb familjar\u00ebve t\u00eb viktimave t\u00eb G\u00ebrdecit. Qeveria n\u00eb rastin konkret preferoi q\u00eb t\u00eb d\u00ebgjoj\u00eb Gjykat\u00ebn. Tashm\u00eb kur Gjykata nisi t\u00eb flas\u00eb, \u00ebsht\u00eb e r\u00ebnd\u00ebsishme q\u00eb t\u00eb mos pengohet fjala e saj p\u00ebr shkak t\u00eb tarifave t\u00eb larta e t\u00eb pap\u00ebrballueshme nga k\u00ebto familje q\u00eb cdo dit\u00eb luftojn\u00eb p\u00ebr mbijetes\u00eb.<\/p>\n

T\u00eb gjendur n\u00eb k\u00ebto kushte, familjar\u00ebt e viktimave t\u00eb G\u00ebrdecit k\u00ebrkojn\u00eb nga Qeveria q\u00eb t\u00eb heq\u00eb pengesat absurde t\u00eb v\u00ebna nga Urdh\u00ebri i p\u00ebrbashk\u00ebt i Ministrit t\u00eb Drejt\u00ebsis\u00eb dhe Ministrit t\u00eb Financave, dhe t\u00eb p\u00ebrballet n\u00eb gjykat\u00eb n\u00eb kushte t\u00eb barabarta. Pasi gjykata t\u00eb thot\u00eb fjal\u00ebn e saj, \u00ebsht\u00eb e udh\u00ebs q\u00eb qeveria t\u00eb mos p\u00ebrdor\u00eb edhe marifete e truqe ankimesh, vonesash, e pengesash t\u00eb tjera, me q\u00ebllim p\u00ebr t\u00eb b\u00ebr\u00eb t\u00eb pamundur ekzekutimin e vendimeve gjyq\u00ebsore.<\/p>\n

Ne k\u00ebrkojm\u00eb nga Qeveria q\u00eb t\u00eb reflektoj\u00eb jo vet\u00ebm p\u00ebr t\u00eb b\u00ebr\u00eb drejt\u00ebsi n\u00eb rastin konkret, por edhe p\u00ebr t\u00eb kuptuar se pranimi i ngarkimit t\u00eb p\u00ebrgjegj\u00ebsis\u00eb n\u00eb kurriz t\u00eb autoriteteve shtet\u00ebrore do t\u00eb sh\u00ebrbej\u00eb q\u00eb n\u00eb t\u00eb ardhmen k\u00ebto histori t\u00eb mos ndodhin m\u00eb kurr\u00eb.