![\"fut](\"http:\/\/www.respublica.org.al\/wp-content\/uploads\/2014\/07\/fut-monedhen-300x193.jpg\")
Tashm\u00eb kan\u00eb kaluar 8 vjet nga tragjedia e G\u00ebrdecit. Kristina K. \u00ebsht\u00eb personazh i nj\u00eb prej historive m\u00eb t\u00eb trishta t\u00eb k\u00ebsaj tragjedie. Ajo ishte vet\u00ebm 4 muajshe kur n\u00ebna e saj Resmija, 19 vjec, humbi jet\u00ebn nga shp\u00ebrthimi.<\/p>\n
Babai i saj tep\u00ebr i ri n\u00eb mosh\u00eb nuk pati mund\u00ebsi t\u00eb p\u00ebrballonte rritjen e nj\u00eb f\u00ebmije 4 muajsh dhe ia la at\u00eb gjysh\u00ebrve, Kujtimit dhe Tushes, e cila mori edhe kujdestarin\u00eb e p\u00ebrkohshme t\u00eb vajz\u00ebs s\u00eb mitur, ndon\u00ebse jetonte n\u00eb kushte t\u00eb r\u00ebnda. Tushja ishte pa pun\u00eb, nd\u00ebrsa Kujtimi, gjyshi i f\u00ebmij\u00ebs, kishte nj\u00eb pun\u00eb modeste prej nga siguronte nj\u00eb minimum t\u00eb ardhurash p\u00ebr mbajtur frym\u00ebn gjall\u00eb dy t\u00eb moshuarit dhe foshnja Kristin\u00eb.<\/p>\n
Nuk zgjati shum\u00eb dhe n\u00eb fund t\u00eb vitit 2009 Kujtimi mbeti pa pun\u00eb. I d\u00ebshp\u00ebruar p\u00ebr jet\u00ebn e tij, e cila ngjante me nj\u00eb rrug\u00ebtim n\u00eb nj\u00eb tunel pa drit\u00eb n\u00eb fund, ai humbi cdo shpres\u00eb p\u00ebr t\u00eb shijuar at\u00eb q\u00eb shpresonte vet\u00ebm disa vite m\u00eb par\u00eb, kur vajza e tij u martua dhe priste nj\u00eb f\u00ebmij\u00eb. Tragjedis\u00eb s\u00eb humbjes s\u00eb vajz\u00ebs, mbetjes jetime t\u00eb foshnjes s\u00eb saj, i shtohej edhe varf\u00ebria\u00a0 e madhe dhe pa asnj\u00eb zgjidhje p\u00ebr t\u00eb pasur minimumin e dinjitetit njer\u00ebzor. Mbi t\u00eb gjitha shtohej mbi supet e ciftit Osmani edhe indiferenca e shtetit, i cili i kishte dh\u00ebn\u00eb vet\u00ebm 200 mij\u00eb lek\u00eb t\u00eb vjetra p\u00ebr t\u00eb paguar gurin e varrit p\u00ebr t\u00eb bij\u00ebn q\u00eb iu k\u00ebput filli i jet\u00ebs q\u00eb n\u00eb rini.<\/p>\n
Kujtimi nuk e mbajti dot barr\u00ebn e ferrit ku jetonte dhe i dha fund jet\u00ebs n\u00eb n\u00ebntor 2009. Tushja mbeti e vetme me foshnjen Kristina p\u00ebr t\u00eb jetuar or\u00eb pas ore ferrin q\u00eb mposhti Kujtimin. N\u00eb vet\u00ebm pak koh\u00eb ajo u p\u00ebrball me dy humbje t\u00eb m\u00ebdha, vajz\u00ebn dhe bashk\u00ebshortin. Banor\u00ebt e G\u00ebrdecit thoshin shpesh se Tushja kishte r\u00ebn\u00eb shpirt\u00ebrisht e moralisht, nd\u00ebrsa punonte shum\u00eb p\u00ebr t\u00eb mbajtur mbes\u00ebn e vog\u00ebl. Ajo ankohej te t\u00eb af\u00ebrmit se nuk e mbante dot mbes\u00ebn me buk\u00eb. Shteti i lidhi nj\u00eb pension 50 mij\u00eb lek\u00ebsh t\u00eb vjetra vajz\u00ebs s\u00eb l\u00ebn\u00eb jetime, por q\u00eb me k\u00ebto para nuk ka shqiptar q\u00eb mos e dij\u00eb se sa ther\u00ebse \u00ebsht\u00eb n\u00ebnqeshja e varf\u00ebris\u00eb s\u00eb k\u00ebtij pensioni tall\u00ebs q\u00eb t\u00eb duket se nuk mjafton t\u00eb blesh dot as ajrin q\u00eb thith.<\/p>\n
E vrar\u00eb nga makut\u00ebria e zyrtar\u00ebve t\u00eb shtetit q\u00eb i gropos\u00ebn vajz\u00ebn, e lodhur nga indiferenca e shtetit megjith\u00eb k\u00ebrkesat \u00a0e p\u00ebrs\u00ebritura p\u00ebr ndihm\u00eb t\u00eb bashk\u00ebshortit t\u00eb saj para se ai t\u00eb preferonte m\u00eb shum\u00eb helmin se sa t\u00eb duronte heshtjen e zyrtar\u00ebve t\u00eb\u00a0modelit “pall\u00eb ariu”, e l\u00ebn\u00eb t\u00ebr\u00ebsisht n\u00eb m\u00ebshir\u00eb t\u00eb fatit t\u00eb keq, n\u00eb nj\u00eb gjendje t\u00eb mjerueshme ekonomike, e p\u00ebrkulur nga mosha e pap\u00ebrshtatshme p\u00ebr t\u00eb b\u00ebr\u00eb s\u00ebrish n\u00ebn\u00ebn e nj\u00eb foshnjeje, e l\u00ebn\u00eb n\u00eb err\u00ebsir\u00eb edhe nga CEZ, Tushja u fut n\u00eb t\u00eb nj\u00ebjtin tunel pa drit\u00eb si bashk\u00ebshori i saj Kujtimi. Ajo nuk kishte nj\u00eb streh\u00eb t\u00eb vet\u00ebn dhe nuk kishte para p\u00ebr t\u00eb paguar qiran\u00eb. Kur humbi vajz\u00ebn ajo humbi edhe pun\u00ebn q\u00eb kishte n\u00eb Bashkin\u00eb e Vor\u00ebs.<\/p>\n
Tushja helmoi veten nj\u00eblloj si i shoqi, n\u00eb dhjetor 2012.<\/p>\n
Kristina mbeti edhe m\u00eb jetime se m\u00eb par\u00eb. V\u00ebllai i Tushes e mori vajz\u00ebn n\u00eb sht\u00ebpin\u00eb e tij. Pak m\u00eb pas ai k\u00ebrkoi nga gjykata q\u00eb t\u00eb caktohej kujdestar i saj. Ai \u00ebsht\u00eb nj\u00eb burr\u00eb i qet\u00eb, flet pak por rrezaton dashuri ndaj vajz\u00ebs q\u00eb tashm\u00eb \u00ebsht\u00eb 8 vjec. G\u00ebzohet q\u00eb ajo shkon mir\u00eb n\u00eb shkoll\u00eb, pavar\u00ebsisht se mundohet t\u00eb fsheh\u00eb pamund\u00ebsin\u00eb e tij p\u00ebr t\u00eb b\u00ebr\u00eb m\u00eb shum\u00eb. Ai ka nj\u00eb rrog\u00eb minimale prej m\u00eb pak se 20.000 lek\u00ebsh n\u00eb muaj. Me kaq mban veten, familjen e tij dhe Kristin\u00ebn.<\/p>\n
Koh\u00ebt e fundit takoi avokat\u00ebt e qendr\u00ebs Res Publica q\u00eb po ndjekin c\u00ebshtjen e d\u00ebmshp\u00ebrblimeve t\u00eb familjeve t\u00eb viktimave t\u00eb G\u00ebrdecit. K\u00ebrkesa e tij ishte e thjesht\u00eb, q\u00eb Kristina t\u00eb marr\u00eb nj\u00eb d\u00ebmshp\u00ebrblim q\u00eb t\u00eb leht\u00ebsoj\u00eb jet\u00ebn e saj n\u00eb t\u00eb ardhmen, q\u00eb ajo t\u00eb mund t\u00eb jetoj\u00eb me m\u00eb shum\u00eb dinjitet.<\/p>\n
N\u00eb gjyqin q\u00eb Kristina k\u00ebrkon shp\u00ebrblimin e d\u00ebmit p\u00ebr humbjen e n\u00ebn\u00ebs q\u00eb nuk e njohu dot, vajza e vog\u00ebl 8 vje\u00e7e po p\u00ebrballet edhe nj\u00eb her\u00eb me shtetin dhe rregullat e tij idiote dhe pa shpirt. Ajo nuk ka para p\u00ebr t\u00eb paguar taks\u00ebn gjyq\u00ebsore dhe as ekspert\u00ebt, q\u00eb kushtojn\u00eb m\u00eb shum\u00eb se 2 milion lek\u00eb. Jo vet\u00ebm Kristina, por edhe daja i n\u00ebn\u00ebs s\u00eb saj nuk i disponon k\u00ebto para. Gjykat\u00ebs iu vu n\u00eb dispozicion nj\u00eb barr\u00eb me dokumenta q\u00eb tregonin se ata nuk disponojn\u00eb pasuri t\u00eb paluajtshme, as nuk ushtrojn\u00eb ndonj\u00eb biznes, as nuk kan\u00eb ndonj\u00eb automjet apo biciklet\u00eb p\u00ebr t\u00eb shitur, as nuk kan\u00eb ndonj\u00eb t\u00eb ardhur tjet\u00ebr, as nuk kan\u00eb ndonj\u00eb pun\u00eb t\u00eb dyt\u00eb. Megjithat\u00eb, k\u00ebto dokumenta nuk e bind\u00ebn dot gjykat\u00ebn q\u00eb ta anashkalonte ligjin. T\u00eb gjith\u00eb e dim\u00eb se sa shum\u00eb i do shteti taksat dhe se sa nuk t\u00eb fal asnj\u00eb qindark\u00eb, sidomos kur njer\u00ebzit jan\u00eb t\u00eb varf\u00ebr.\u00a0 M\u00eb kot \u00ebsht\u00eb lodhur Gjykata e Strasburgut gjith\u00eb k\u00ebto vite p\u00ebr t\u00eb th\u00ebn\u00eb se t\u00eb varf\u00ebrit duhen p\u00ebrjashtuar nga taksat dhe shpenzimet e tjera gjyq\u00ebsore. M\u00eb kot foli edhe Gjykata Kushtetutese e cila p\u00ebrs\u00ebriti t\u00eb nj\u00ebjt\u00ebn gj\u00eb si Strasburgu. Gjykata Administrative e Shkall\u00ebs s\u00eb Par\u00eb Tiran\u00eb, nuk e pa t\u00eb arsyeshme t\u00eb p\u00ebrjashtonte nga taksa Kristin\u00ebn. Ajo duhet t\u00eb paguaj\u00eb nj\u00eb herw dhe pastaj t\u00eb k\u00ebrkoj\u00eb drejt\u00ebsin\u00eb.<\/p>\n
Avokat\u00ebt sigurojn\u00eb se parat\u00eb p\u00ebr taksat dhe ekspert\u00ebt do t\u2019i sigurojn\u00eb n\u00eb m\u00ebnyra t\u00eb tjera dhe c\u00ebshtjen e Kristin\u00ebs do e cojn\u00eb p\u00ebrpara gjithsesi. Por kjo histori \u00ebsht\u00eb nj\u00eb goditje ther\u00ebse n\u00eb k\u00ebmban\u00ebn e lodhur t\u00eb alarmit q\u00eb bie prej shum\u00eb vitesh n\u00eb vesh t\u00eb shurdh\u00ebr. Res Publica e ka p\u00ebrs\u00ebritur me dhjet\u00ebra her\u00eb q\u00eb t\u00eb varf\u00ebrit duhen p\u00ebrjashtuar nga taksat gjyq\u00ebsore. S\u00eb fundi, edhe misioni i Euralius u bashkua me k\u00ebt\u00eb ide, meq\u00ebn\u00ebse koh\u00ebt e fundit po k\u00ebndohet refreni “dit\u00eb t\u00eb lumtura po kemi kismet \/ reforma p\u00ebr drejt\u00ebsi po sjell t\u00ebrmet…”<\/p>\n
Thirrrja e Kristin\u00ebs p\u00ebr refor\u00ebn n\u00eb drejt\u00ebsi sot \u00ebsht\u00eb q\u00eb kjo reform\u00eb duhet ta zgjidh\u00eb n\u00eb rradh\u00eb t\u00eb par\u00eb dhe nj\u00eb her\u00eb e mir\u00eb k\u00ebt\u00eb problem. Komisioni i reform\u00ebs dhe xhaketat e Kuvendit duhet t\u00eb pastrojn\u00eb nj\u00eb her\u00eb e mir\u00eb vesh\u00ebt nga dylli partiak dhe t\u00eb mos preferojn\u00eb vet\u00ebm muzik\u00ebn e ambasador\u00ebve kur flasin nga tryezat e shtruara bukur p\u00ebr t\u00eb b\u00ebr\u00eb dekorin e klimaksit para kamerave, por edhe kur n\u00eb vesh\u00eb u mb\u00ebrrin tingulli ul\u00ebrit\u00ebs i ambasador\u00ebve t\u00eb varf\u00ebris\u00eb.<\/p>\n
Res Publica<\/em>